علاج نفسي عملي، مصمّم ليناسب رحلتك.

مش لازم تستنّى لتصير الأمور ما بتنحمل. يمكن حاسس بقلق، أو ضغط، أو عالق بأنماط معيّنة، أو بس بدّك تفهم حالك أكتر. ومش لازم تعرف بالضبط شو المشكلة، أحياناً اكتشافها بيكون جزء من المشوار.

هيدي فرصة لنتعرّف على بعض. منحكي عن شو عم يصير معك، وبشو بدّك مساعدة، وشو بتتمنّى تطلع فيه من العلاج. فيك تسأل، وتشارك اللي مرتاح تشاركو، وعلى راحتك. ما في امتحان، ولا في جواب صح أو غلط.

ما في مدة وحدة للكل. في أمور بيفيدها شغل مركّز وقصير، وفي أمور بدها وقت أطول. منراجع تقدّمك سوا. الهدف مش إنك تضل بالعلاج عطول، الهدف إنك تبني أدوات تستعملها برّا الجلسات.

الجلسة الفردية عادةً بين 45 و50 دقيقة. منأكّد المدة وقت الحجز.

إيه، حسب حاجتك وظروفك. بتحتاج مكان خاص، وإنترنت ثابت، وجهاز يخلّينا نحكي براحة.

أنا بلبنان، وبستقبل وجهاً لوجه بـ Elite Clinics بضبيه. إذا مش متأكد إذا مكانك أو ظروفك بيناسبوا الخدمات، احكيني قبل ما تحجز.

الجلسة وجهاً لوجه 40$ والجلسة أونلاين 35$. إذا عندك أسئلة عن الدفع، دايماً فيك تسأل قبل أول جلسة.

بتصير! خبّرني بأسرع وقت، والأفضل قبل 24 ساعة عالأقل. سياسة الإلغاء كاملة موجودة بقسم الحجز فوق.

خصوصيتك مهمة. كل شي بتشاركو بيضل سرّي، حسب الالتزامات المهنية والقانونية. بس للسرّية حدود، متل إذا في خطر جدّي على السلامة أو إذا القانون بيفرض الإفصاح. منشرحها بالتفصيل كجزء من الموافقة المستنيرة.